Dewleta Tirkî dimayo ke Adara serra 2018’î de Efrîn de îşxal kerd, merkezê bajarî û dewan de  ca nêmend ke talan nêkero.

Efrîn de ke set herêmêka tarîxîye yena zanayene, eserê ke Efrîn de yê ameyî talankerdene yan zî remnayene. Goreyê çimeyanê cayîyan, dewleta Tirkî xusûsen çend rojî yo dorê dewa Ereba ya qezaya Mabeta ya Efrînî de dest bi kendişî kerdo. Kendiş hewteyêk o dewam keno. Heta nika eşkera nêbîyo ke ûca çi dîyo û yan zî ro çi gêrenê. Verê nikayî zî dewa Gemruke ya qezaya Mabeta de cayê tarîxîyî ameybî kendene. Goreyê hayîdarîyan dewleta Tirkî no demêk o Girê Endarî kenena. Girê Endarî de xeylî eserê tarîxîyî estê ke serranê Verê Zayîşî 1000-1300 ra mendê. Fotografê ke herême ra ameyê girewtene ramojnenê ke zirarêko senên dayo eseranê tarîxîyan.