Dewleta tirkî Efrîn de dest bi tasfîyekerdişê çeteyanê xo kerd
Ame zanayene ke dewleta tirkî ya îşxalkare seba tasfîyekerdişê tayê grûbanê çeteyan operasyonêk dayo destpêkerdene û na yewe ra mabênê çete û leşkeran de pêkeewtişî virazîyayê.
Dewleta tirkî ya îşxalkare dest bi tasfîyekerdişê çeteyanê xo kerd.
Goreyê hayîdarîyanê ke ANFyî girewtê no hewte hetê tîmanê têgêrayîşê taybetî yê tirkan ra ke şirawîyayî Efrîn hemverê tayê grûbanê çeteyan ê ke mîyanê Ahrar Şerqîye û Hurras El Dîn de ca gênê operasyon ame destpêkerdene.
Çimeyê cayîyan îdîa kerd ke rayîrê bingeyênî yê Efrînî hetê grûbanê çeteyan ê ke pabesteyê Tirkîye yê ra ameyê girewtene û operasyonî nê serê sibayî dorê 05:00 de dest pêkerdo.
Çimeyan vat Mehlaya Eşrefîye ya Efrînî de doçka, tank û sîlehê şenikî ameyê şuxulnayene.
Goreyê vatişanê çimeyan ra pêkewtişî hewna dewam kenê, şarê ke zereyê Efrînî de yê ver bi dewan remenê.
