Dewleta Tirkî ya îşxalkare û çeteyanê El Kaîde hêrişanê xo yê verba Vakur û Rojakewtena Sûrîye rê dewam kenê.

Çeteyanê artêşa Tirkî ya îşxalkare dimayê nêmroje hîrê baskan ra hêrişê başûrê Serêkanîyê kerd. Dewleta Tirkî zî hewa  û erdî ra paşt da înan. Artêşa Tirkî ya îşxalkare û çeteyanê aye  bajarekê Zirganî, herêma Ebû Resen, dewa Menacir, Soûda, Salihîyê û herêma Alîya ya rojawanê Tirl Temîrî rê hêriş kerd. Şervananê QSD'yî cewabêko pît da hêrişan û herême de şer dewam keno. Dewleya Tirkîya îşxalkare bi teyarayanê bêmerdimî yê ÎHA û SÎHA û bi tank û bi obusan paşt danê çeteyan.  Nê dewan de hêrişan ra bi hezaran kesan koç kerd.