Goreyê xebera ANHA Serekê Dayîreyê Karanê Koçberan Şêxmûs Ehmedî da zanayene ke hêrişan ra Kantonê Efrîn-Şehba û Helebî ra di rojanê peyênan de tewr tay bi se hezaran kesan koç kerdo.

Ehmedî pare kerd ke merkezanê koçberan ê Reqa û Tebqa de tewr tay 20 hezar keyeyî manenê û rewşa înan trajîk a.

Ehmedî vat: ''Hêverî ma koçberî Reqa û Tebqa de kerdî meyman. Dima ma tayê koçberî erşawitî Kantonê Firat û Cizîre. Masaya Krîzî zafê ci dibistanî 235 merkezî Tebqa de seba koçberan amade kerdî. Reqa de zî seba koçberan 60 merkezê ma est ê. Her merkez de tewr tay 40 keyeyî manenê.Seba kampanê taybetan ganî Neteweyanê Yewbîyayeyan de koordînasyon bêro kerdene.''

Ehmedî şarê Rojawanî rê seba meymandarîya koçberan sipas kerd.

Ehmedî venga Neteweyanê Yewbîyayeyan û Konseya Asayîşî da ke wa berê sînorî yê Til Koçerî abikerê û hêrişanê dewleta tirke vindarnê.