ENKSyî pêvînayîşê mabênê partîyanê kurdan de waştbi ke wa  perwerdeyê ziwanê dayîke bêro wedaritene. Vera naye nêrazîbîyayîşî dewam kenê.

Qezaya Dirbêsîyê ya Kantonê Hesekê de bi seyan wendekar û mehliman waştişê ENKSyî yê vera ziwanê dayîke bi rayraşîyayîşêk protesto kerd. Çalakîya ke verê Enstîtuyê Şehîde Roza de ameye kerdene de posterê şehîdan û pankartê  ''Ziwanê ma estbîyayîşê ma yo'' û ''Merdim bi ziwanê xo esto'' kiriştî. Rayraşîyayîş heta verê banê Kongraya Starî dewam kerd û dima eşkerayîya çapemenîye ameye dayene. Eşkerayîye de ame ame vîrardene ke kurdî bi serran o semedê pawitişê ziwan û kulturê xo têkoşîn kenê û nê rayîr de bi hezaran şehîdî dayî û ame vatene ke ê do tim wayîrê ziwanê xo bivejîyê.