Doktorê Nêweşxaneyê Şarî yê Hesekê Doktor Farîs Hemo yo ke Ajansê Xeberan ê Hewarî (ANHA) rê qisey kerd da pêhesnayene ke dewleta Tirkî çekanê qedexeyan vera şarê Serêkanîyê şuxulnena.

Hemoyî da zanayene ke ê her roje bi desan sivîlanê ke dewleta Tirkî hêrişê înan kerdo, derman kenê û goreyê birîndarîya sivîlan tesbît kerdo ke dewleta Tirkî çekanê qedexeyan şuxulnena. Hemoyî ard ziwan ke sivîlî exleb bi topan yenê birîndarkerdene û vêşenê û va:‘‘ Ewro heme birîndarî ke ameyî ma dî ke vêşayîşê înan cîya yo. Ma tam tesbît nêkerd vêşayîşê  kam çeke yo la ma eşkenê vajê ke dewleta Tirkî çekanê kîmyayîyan şuxulnena.