Fermandarîya QSD’yî ya ke Hesekê de ya bi tewrbîyayîşî 600 delegeyan kombîyayîşê xo yê serre virazena.

Fermandaro pêroyî yê QSD’yî Ebdî yo ke kombîyayîş de qisey kerd va: ‘’No kombîyayîş do bibo bingeyê pêardişê hêzê leşkerî yo ke do bibo temînatê Sûrîye ya azade. Ewro ma ver bi tehdîtanê ameyoxo rê rî bi rî yê. Mucadeleyê ma yê vera çeteyanê DAÎŞ’î kewt merheleyêka neweye. Na merhale hîna zehmet û çetin a. Hucreyê DAÎŞ’î herême de estî û cayanê sivîlan de yê.  Coka rojdemo verên ê kombîyayîşê ma mucadeleyê vera DAÎŞ’î yo. Ma verê zî vatbi ke hêrişê Tirkîya yê vera Efrînî xoverdayîşê QSD’yî yê vera DAÎŞ’î ser o tesîr kerd, tehdîtê vera hêzanê ma mucadeleyê ma yê vera çeteyan ser o tesîr kenê. Ma semedê ‘herêma biasayîşe’ bi rayîrê Amerîka Tirkîye de pêvînayîşî viraştî. Semedê werêameyîşê ma û Tirkîya Efrîn gamêka muhîme ya. Ganî şarê Efrînî agêro erdê xo. Heta ka no mebo haştîye nêna Sûrîye. ‘’

Ebdîyî seba ke heqê Kurdan ê meşru bêrê naskerdene Şamî rê vengdayîşê dîyologî  kerd û qiseykerdişê xo wina qedîna: ‘’Ma xo newe kenê û bingeyê pêardişê hêzê leşkerî yo ke do bibo temînatê sûrîye erzenê. Na çerçewe de ma serkewtişî vistî dest. Heme herêman de ma dest bi ronayîşê meclîsanê leşkerîyan kerd û amadekarîya yewîyanê pîsporan kenê. Ma do kombîyyaîşê ewro de pîya bi  tewrbîyayîşê heme  meclîsan meclîsêko pêroyî awan bikerê.’’