Fermandarê Pêroyî yê QSD’yî Mazlûm Ebdî yo ke Ronahî TV’rê adirbirnayîşê mabênê Amerîka û Tirkîya ercna va: ‘‘No destpêkerdişêk o. Dewleta Tirkî ya îşxalkare wina nêvendena. Şarê ma û hêzê ma yê sîyasîyî ganî xoverdayîş xurt bikerê. Hêzê sîyasîyî yê Kurdan  ganî yewîya xo girde bikerê.‘‘

Ebdîyî ard ziwan ke hîrê rojî yo ke derheqê babete de pêvînayîşî yenê viraştene û va:‘‘ Serekê Amerîka Trump bi xo mesele rê eleqeder bîyênê semedê naye Erdoganî rê mektube şawite. Wa şarê ma bizano ke no adirbirnayîş semedê Girê Spî û Serêkanîyê yo. Nê cayan de bi seyan sivîlî ameyî qetilkerdene.Bi hezaran kesan zî bar kerd. Ma zî adirbirnayîş qebul kerd. Seba ke no adirbirnayîş netîce bîgêro ma sey QSD’yî  çîyo ke destê ma ra bêro ma do bikerê. Berpirsîyarê nê adirbirnayîşî Amerîka ya. Semedê cayanê bînan pêvînayîş nêbîyî. Hêzê ma hema cayanê xo de yê. No adirbirnayîş adirbirnayîşê mabênê Amerîka û Tirkîya netîceyê mucadeleyê QSD’yî yo tarîxî û xoverdayîşê şaran û paştdayîşan de ame girwtene. Ez heme şervanan û şaranê ma û înan ke paştî daye ma tîya ra silam kena. No destpêkerdişêk o. Dewleta Tirkî ya îşxalkare wina nêvendena. Şarê ma û hêzê ma yê sîyasîyî ganî xoverdayîş xurt bikerê. Hêzê yê sîyasîyî yê Kurdan ganî yewîya xo girde bikerê.‘‘