Artêşa tirke ya îşxalkere Efrîn de goristanê Avesta ra cenazayî vetî ke na cenazayî aîdê şerwananê YPG-YPJyî û sivîlan bîyî. 

Serfermandarê QSDyî Mazlûm Ebdîyî vera nê kerdişî nêrazîbîyayîşê xo mojna û da zanayene ke nê cenazayî aîdê sivîlan û şerwananê ke şerê vera îşxalê Efrînî şehîd bîyê. 

Ebdîyî bale ante ser ke cenazayî sey 'gorê komkî' yenê mojnayene û vat: ''Goristanê ke tede cenazayê şehîdanê îşxalê Efrînî estbîyî hetê hêzanê tirkan ra sey 'gorê komkî' rayaumûmîya dinya rê yeno pêşkêşkerdene. Ma venga komelê mîyanneteweyî danê ke nê qirkerdişî vindarnê, semedo ke roniştoxanê Efrînî sûcanê şerî ra bipawê têbigêrê.''