Meclîsê Leşkerî yê Minbicî derheqê hêrişanê dewleta tirke ya îşxalkere û çeteyanê ci de nê vatî: ''Hêzanê Meclîsê Leşkerî yê Minbicî xeta dewanê Aştana û Mistaha de yê ke başûrê Minbicî de yê, vera dewleta tirke û çeteyanê ci têkoşîno xurt kerd û çeteyî peyser qeldayî.

Hêzanê ma cepheyê bajarekê Ebû Qelqelî de  zî cewab da hêrişanê çeteyan û asayîşê herême ard ca. Dormeyê dewa Elûşî de wesayîtêko zirxin ê BMByî û tanqêk îmha kerdî. Netîceya pêkewtişan de bi desan çeteyê SMOyî yê dewleta tirke ameyî kiştene û birîndar bîyî. Başûrrohelatê Minbicî de pêkewtişî dewam kenê. Dewleta tirke ya îşxalkere herême bi droneyan û topanê giranan hedef gena.''