Hêzanê Xelisnayîşê Efrînî (HRE) eşkera kerd ke vera artêşa tirke ya îşxalkere û cerganê ci çalakîyê înan dewam kenê.

HRE pare kerd ke hêzanê înan vera cerganê Cebha Şamî yê artêşa tirke ya îşxalkere çalakîyêke kerde. Netîceya çalakîya sabotajî de 2 cergî kişîyayî û 4 cergî zî birîndar bîyî. Çalakîye de derb dîyaye wesayîtêkê cergan ro. HRE vat ke 8ê teşrîna peyêne de taxa Eşrefîye ya Efrînî de vera merkezê cerganê Cebha Şamî çalakîyêka sabotajî ameye kerdene. Netîceya na çalakîye de zî 3 cergî kişîyayî û 7 cergî zî birîndar bîyî. Dîya zanayene ke rewşa 2 cergan giran a.

HRE îfade kerd ke vera îşxalkeran çalakîyê înan do dewam bikerê.