Efrîn de 650 hinarêrî ameyî birnayene
Dewleta tirke ya îşxalkere qezaya Şêrawa ya Efrînî de 650 hinarêrî birnayî.
Goreyê çimeyanê herêmîyan cerganê Tugayê El Hemzetî yê dewleta tirke ya îşxalkere dewa Eyn Dara de 650 darê hinaran birnayê. Dîya zanayene ke nê darî aîdê hemwelatîyê bi nameyê Mihemed Elî Hemkiroyî bîyê.
Dewleta tirke ya îşxalkere dima ke erdê Kurdîstanî îşxal kerdbi, rejîmêkê terorî û talanî awan kerdbi.
Goreyê eşkerayîya Rêxistina Heqanê Merdiman a Efrîn-Sûrîye menga gulane de Efrîn û qezayanê ci Raco û Mabata de tewr tay 90 zeytûnêr û darê meyweyan ameyê birnayene. Nê darî bazaranê Efrîn, Ezaz, Îdlib û Cerablûs de roşîyenê.
