Merkezê Çapemenî û Îrtîbatî yê YPGyî da zanayene ke dewa Gobelê ya pabesteya merkezê Efrînî û dewa Basûtê ya pabesteya qezaya Şêrawa de hemverê çeteyanê ke girêdayeyê dewleta tirkî ya îşxalkare yê di çalakîyî ameyî viraştene.

YPGyî derheqê detayanê çalakîyan de nê hayîdarîyî pare kerdî:

“Tîmêk ma roja 26ê Teşrîna peyêne de merkezê Efrînî de û serê rayîrê dewa Basûtê ya qezaya Şêrawa de hemverê wesayîtêkê eskerîyî yê aîdê grûba çeteyî ya Firqet el-Hemzeyî de çalakîyêka sabotajî viraşte. Netîceyê çalakîye de wesayît bi temamî ame îmhakerdene, 4 çeteyê ke zereyê ci de bîyî ameyî kiştene û 2 çeteyî zî bi giranî birîndar bî.

Heman roje tîmêk ma dewa Gobelê de ke pabesteya Efrînî ya wesayîtêk ke aîdê grûba çeteyî ya Cebhet el-Şamîye bîye hedef girewt. Çalakîye de 1 çete ame kiştene.

Eşkerayîya ma ya bi tarîxê 24ê Teşrîna peyêne de ma dabi zanayene ke dewa Birc Heyderî de çalakîya hemverê grûba çeteyî ya Feylaq el-Şamî de 2 çeteyî bi giranî birîndar bîyê. Goreyê hayîdarîyanê peyênan her 2 çeteyî zî ameyê kiştene.”