Efrîn de ke binê îşxalê dewleta tirke û cerganê ci de yo, alozî û krîzî nêqedîyenê. Cergê dewleta tirke yê ke vera roniştoxan îşkence, tepiştiş, remnayîş, waştişê fîdye û sûcê şeran dewam kenê, biingeyê vurnayîşê demografîya herême ser o hêrişê keyeyanê ke Efrîn de mendî kenê.

Vizêr saete 16:00 de koma Ahmed Zakourî ya Tumenê Hamzayî ya ke pabesteya ''Artêşa Mîllî'' ya dewleta tirke ya, Muhamedîye de bomba eşte dikana keyeyêkê Guta ke îşxalî ra dima Efrîn de hetê dewleta tirke û cerganê ci ra amebi cakerdene.

Koma ke dima hêrişê keyeyêkê bînî kerd, û koma cergan ê Ceyş El Îslamî kewtî yewbînan. Şer de sivîlî ameyî kiştene û birîndarkerdene. Heta nika 2 domanî merdî. Alozîye dewam kena.