Goreyê agahîyanê ke Rêxistina Heqanê Merdiman a Efrînî-Sûrîye ANHA rê pare kerdê dewleta tirke ya îşxalkere Efrînê îşxalkerdeyî de sûcanê xo yê şerî rê dewam kena. 

Rêxistine da zanayene ke dewleta tirke ya îşxalkere û cerganê ci (polîsanê leşkerîyan ê sivîlan, Cebhet El Şamî û cerganê Emşatî) menga gulane de Efrîn de domanêk qetil kerdo û 4ê ci cinîyî tewr tay 53 kesî remnayê.

Dewleta tirke ya îşxalkere û cergê ci bi hawayêkê sîstematîkî Efrîn de sivîlan kişenê û remnenê. Dewleta îşxalkere û cergê ci seba ke rehîneyanê efrînijan vera bidê keyeyanê înan rê fîdye wazenê û bi rojan nê kesan rê îşkence kenê. 

Dewleta tirke ya îşxalkere û cerganê ci îşxalê Efrînî (18ê adara 2018î) ra nata tewr tay 900 zeytûnêrî birnatî. Nê zeytûnêrî şaristananê bînan de roşîyenê. 

Dewleta tirke kena ke demografîya Efrînî bivurna coka kesanê xerîban ê sey filîstînijan û keyeyanê cergan Efrîn de cakena.