9ê çeleyê 2013î de paytextê Fransa Paris de ronayoxanê PKKyî ra Sakîne Cansiz (Sara), Temsîlkara KNKyî ya Parisî Fîdane Dogan (Rojbîne) û Endama Têgêrayîşê Ciwanan ê Kurdan Leyla Şaylemez (Ronahî) ameybî qetilkerdene. 

Roniştoxanê Efrînî rayberîya Kongreya Starî de bi çalakîyêka rayraşîyayîşî 3 cinîyê şorişgêrê ke Paris de ameybî qetilkerdene yad kerdî. Çalakîye de fotogragê Rayberê Şarê Kurdî, Sakîne Cansiz, Fîdan Dogan û Leyla Şaylemez ameyî kiriştene.

Meclîsê Keyeyanê Şehîdan ê Efrînî ra Sureyya Hebeş çalakîye de qisey kerd û ard ziwan ke ê do meverdê ke qetlîyamêkê sey Qirkerdişê Parisî reyna bêro kerdene.

Wefe Hisen zî îfade kerd ke cinîyê kurdî ewro rêçê Sakîne Cansiz de şinê.

Çalakîye pê sloganan qedîyaye.