Çeteyê Feyleq El Şam ê ke dewleta Tirkî ra paştî gênê roja Îneyî dewa Dêrbelûte ya qezaya Cindirêsî ya Efrînî  de 9 sîvîlî remnayî.Cayê sivîlanê ke ameyî remnayene nênê zanayene
 
Goreyê çimeyanê herêmî sivîlê ke ameyî remnayene nameyê înan nê ye; Mihemed Menan Silêman, Mihemed Mihemed Silêman, Loqman Mihemed Abdo, Ehmed Wehîd Şiko, Îsmaîl Şêx, Bekir Mihemed Belker, Cihad Mihemed Xelîl, Şêxmûs Reşid Tahir û Mehmûd Mihemed Izat Fatume.

Mîyanê 12 Rojan de Tewr Tay 61 Sivîlî Ameyî Remnayene

Dewa Kefer Sefre de zî 10'ê Êlule de 14 hebî sivîlî ameybî remnayene. Sivîlî hetê çeteyanê Tûgaya Semerkante yê  ke  pabesteyê dewleta Tirkî yê ra ameyî remaneyene. Hêrişê verba sivîlan nê aşman de bîyê zêdêr. Roje çin a ke sivîlî nênê remnayene. Destpêkê menga Temmuze ra nata bi sayan sivîlî ameyî remnayene. Yeno vatene ke mabênê Temmuze û Tebaxede hûmara sivîlan ke ameyî  remnayene 500 kesanî ra zêdêr ê. Goreyê hesabanê ANF‘î destpêkê menga  Êlule ra nata tewr kêmî 61 sivîl ameyî remnayene. Yeno texmînkerdene ke humara rastikêne nê ra zêdêr a.

Efrîn de Sucê Merdimîye Yenê Kerdene

Efrîn hetê dewleta Tirkî û çeteyanê ci ra ra ame îşxalkerdene. Dewleta Tirkî 20'ê Çeleyê 2018'an de dest bi hêrişê îşxalkerdişê Efrînî kerd û 18'ê Adare de şaristan îşxal kerd. Wextê îşxalkerdişî ra nata sucê şerî yenê kerdene. Her roje malê sivîlan yenê destsernayene, sivîlî semedê fîdye yenê remnayene, sivîlan rê îşkence yeno kerdene yan zî sivîlî yenê kiştene.