Efrîn de sucê şerî: 3 sivîlê bînî ameyî remnayene

Artêşa Tirkî ya îşxalkare û grûbanê aye yê çeteyan Efrîn de 3 sivîlî remnayî.

Ame zanayene ke artêşa Tirkî û çeteyanê ci dewa Çeqla ya qezaya Cindirêsî ya Efrînî de 3 sivîlî remnayî.

Demo peyên de zext û sucê şerî yê dewleta Tirkî û çeteyanê ci zêdîyayî. Menga Temmuze ra nata bi seyan sivîlî ameyî remnayene. Aqibetê zafê înan nêno zanayene. Efrîno ke binê îşxalê dewleta Tirkî û çeteyanê ci de yo bi hawayêkê sîstematîkî sucê şerî yenê kerdene.