Efrînî de 2 xebatkarê rêxistina hetkarîye ameyî qetilkerdene

Cerganê Dewleta Tirkan Efrînî de 2 endamê Difa El-Medenî (Pawitişê Sivîlan) qetil kerdî.

Herêmanê îşxalkerdeyan de serebûtê kiştişî û remnayîşî roje bi roje benê zêdêr. Gore xeberanê ke herême ra ameyî girewtene ewro serê sibayî cenazeyê kênayêka ciwane û lajekî yê ke Difa El-Medenî (Pawitişê Sivîlan) de xebitîyayêne ameyî dîyene.

Çimeyan pare kerd ke her di cenazeyî zî rayîrê Kemrokî ya Qezaya Mabata ser o ameyî dîyene û nameyê kesanê ke ameyî kiştene wina yê: Nircise Dawûdî dewa Kemrokî ra ya û Elî El-Şaxûr zî eslê xo de Xûta El-Şerqîye ra yo. Nircise Dawûdî û Elî El-Şaxûr dima ke fonê xo girewtî komêka cergan rayîrê înan girewt û pereyê înan diznayî, dima zî ê kiştî.