Şarê Efrînî ard ziwan ke heta ke îşxalkerî erdê înan ra vejîyê ê do xoverdayîşê xo dewam bikerê û bale ante ser ke îşxalê Efrînî dewamê komploya vera Rayberê Şarê Kurdî Abdullah Ocalanî yo.
Serrgêra 3. ya îşxalî de Meclîsê Kantonê Efrînî rayraşîyayîşêk serûber kerd. Bi seyan roniştoxî tewrê çalakîya rayraşîyayîşî bîyî.
Rayraşîyayîş meydanê Kampa Serdemî de vurîya nawnayîş. Nawnayîş de Endama Meclîsê Keyeyanê Şehîdan Asîya Ebîd qisey kerd û ard ziwan ke dewletê mîyanneteweyî vera hêrişanê dewleta tirke bêveng ê la efrînijî do xoverdayîşê xo dewam bikerê.
Endama Kongreya Starî ya Herêma Efrînî Nemete Elîko zî pare kerd ke Xoverdayîşê Modernî de cinîyanê Efrînî rolê pîlî girewtî girewt xo milî û Efrîn reyna do rayberîya cinîyan de bixeliso.
Dima Endamê Meclîsê Kampa Serdemî Reşîd Qeblanî qisey kerd û vat ke îşxalê Efrînî dewamê komploya vera Rayberê Şarê Kurdî Abdullah Ocalanî yo. Qeblanî vat: ''Ma do bi ruhê têkoşîn û xoverdayîşî Efrîn bixelisnê.''
Nawnayîş pê sloganan qedîya.
