Bi seyan efrînijan pê çalakîya rayraşîyayîşî sûcê dewleta tirke yê vera înan û vurnayîşê demografîya herême şermezar kerdî.

Çalakîye de fotografê şehîdan, Rayberê Şarê Kurdî Abdullah Ocalanî û pankartê bi nuşteyê 'Vurnayîşê demografî rê ney', 'Erdogan kiştoxê tûtan o', 'Efrîn rûmetê ma yo' ameyî akerdene.

Çalakîye de nameyê Meclîsê Kantonê Efrînî ser o Mihemed Ebdoyî qisey kerd û vat: ''Dewleta tirke xîret kena ke pêro kurdan qir bikera. 3 serrî yo dewleta tirke Efrîn de filîstînijî, tirkmenî ca kerdî, ha demografîya Efrînî vurnena.''

Endama Kongreya Starî Gulê Mihemed zî pare kerd ke verê çimanê pêro dinya de dewleta tirke vera Efrînî sûcanê pîlan kena. Gulê îfade kerd ke heta Efrîn azad bibo têkoşînê înan do dewam bikero.

Çalakîye pê sloganan qedîyaye.