Vengdayîşê Meclîsê Kantonê Efrînî ser o b hezaran roniştoxanê Efrînî çalakîya rayraşîyayîşî kerd. Rayraşîyayîş bi şîarê 'Îşxal û tecrîdî rê bes o, wext wextê azadîya Efrîn û Serek Apoyî yo' ame kerdene.

Çalakîye de fotografê Rayberê Şarê Kurdî Abdullah Ocalanî, alayê Meclîsê Keyeyanê Şehîdan û TCŞyî ameyî akerdene.

Rayraşîyayîş dima vurîya nawnayîş. Hemserekê Meclîsê Rayberdişî yê Herêma Efrînî Şîra Hemo, Hetkarê Hemserekanê Meclîsê Îdareyê Xoserî Hemdan El Ebidî, Endama Koordînasyonê Kongreya Starî ya Efrînî Eyşe Seyda nawnayîş de qisey kerd.

Qiseykerdoxan ard ziwan ke şarê Efrînî kampan de xo ver dano û heta azadîya Efrînî zî xoverdayîşê înan do dewam bikero. Qiseykerdoxan venga rêxistinan ê mîyanneteweyîyan da ke mesuldarîya xo bîyarê ca û dewleta tirke Efrînî ra vejê.

Nanwayîş bi sloganan qedîya.