Roniştoxê Efrînîyê ke ca û wareyê xo ra bi zorbazîye macir bîyî û kampa Serdemî de ca bîyî seba ke zehmetîyanê serra vîyarte ra derbas nêbîyî bi hetkarîya şaredarîye kampa Serdemî amadekarîya xo ya zimistanî kenê.
Şarê Efrînî kampa Serdemî de bi hetkarîya şaredarî ya kampe amadekarîya xo ya zimistanî kenê ke awe, varan nêkewê çadira înan.
Roniştoxê Efrînîyê ke înan 58 rojî binê hêrişê dewleta Tirkî de Efrîn de xoverdayîşêko xurt kerd û qet teslîmkarîye qebul nêkerde, dima ke dewleta Tirkî Efrîn îşxal kerd, neçarîye ra herêma Şehba de ca bîyî. Pêro astengîyê ke tira derbas benê asta xoverdayîşê xo binê varan, serdî û germîya hamnanî de xurtêr û zêdêr kerd. Hemşaredarê kampa Serdemî Qaziqlî Mihemedî ser amadekarîya şarî yê zimistanî qisey kerd: "Serra vîyarte firsendê ma çinêbî ke ma hetkarîya şarî bikê. Naye ra varan kewto zafê çadiran. Emser ma zêdêr eşkenê hetkarîye bidê şarî. Seba ke sey parî nêba ma her xeyme de goreyê ganîyîya aye, çîmento û herre înan rê anê û bi rayîrê komînan înan rê vila kenê. Şar bi xo xeyma xo virazeno. Şarê Efrînî Efrîn de xo ver da. Nika zî çadiran de xo ver dano." Macirê Efrînî bi nameyê Edhemo ke kampa Serdemî de ciwîyeno va: " Ma heta ke anêgêrê Efrînî, xoverdayîşê xo rê dewam kenê. Na nêzdîya di serran a ke ma kampe de ciwîyenê. Seba ke zehmetîyê ke ma cuwa ver antî reyna ma nêancê, pê hetkarîya şaredarîye ma xeymanê xo newe ra sererast kenê. "
