Temsîlkarê Eşîra Hilisatî ya Girê Sipî Îbrahîm Ehmed El Hemudî derheqê hêrişanê îşxalî yê dewleta tirke de ANFyî rê qisey kerd.

El Hemudî pare kerd ke ê hêrişanê dewleta tirke û bêvengîya hêzanê mîyanneteweyîyan qebul nêkenê û vat: ''Ma bi hezaran şehîdî dayî, seba pawitişê şaranê dinya zengînîya xo ya tewr qîmetêne feda kerde. Ma DAÎŞ pê gonîya xo bin vist. Ma do qetî erdê xo û destkewteyanê xo war meverdê nêşorê. Hêzê îşxalkerî pê hêrişanê xo wazenê ma şorê. Ma vera hêrişanê dewleta tirke amade yê. Doman, kal, pîr, cinî û camêrdî pêro şarê Rojawanî do sey tirsanê gandaran xo ver bidê.''

El Hemudî ard ziwan ke ê do nê şerî de QSD têna meverdê û vat: ''Dewleta tirke wazena Osmanîyan reyna gandar bikera û erdê ma îşxal bikera. Ma sey şaranê Rojawanî hetê QSDyî de yê. Çunke QSD domananê ma ra yeno pê. Ma do qetî domananê xo teyna meverdê.''

Temsîlkarê Eşîra Hilisatî ya Girê Sipî Îbrahîm Ehmed El Hemudî bêvengîya Yewîya Ereban rexne kerde û vat: ''Yewîya Ereban ha ça de ya? Wexto ke dewleta tirke nê merdiman pê teyarayan kişena têna temaşe kenê? No welat dadîya ma ya. Dewleta tirke de qet exlaq çin o. Heta dewleta tirke goran kena hedef. Dewletê Yewîya Ereban zî têna temaşe kenê.''