Endamanê Meclîsê Til Rifatî yê Efrînî û Şehba hêrişê îşxalî yê dewleta tirke şermezar kerdî û dezgehanê mîyanneteweyîyan ra waşt ke wa bêveng nêmanê. Endaman da zanayene ke armancê înan agêrayîşê Efrînî yo.
Endamanê Meclîsê Til Rifatî yê Efrînî û Şehba hêrişê îşxalî yê dewleta tirke şermezar kerdî û babete ser o qisey kerd.
Komîteya Perwerdeyî ra Îbrahîm Xelîl Reşoyî vat: ''Îşxalkeran verê çimanê dinya de hêrişê Efrînî kerd. Nika zî hêrişê Şehba kenê. Ê wazenê ma çin bikerê la ma do xoverdayîşê xo rê dewam bikerê ke rojêke abigêrê Efrînî.''
Endama Komîteya Cinîyan a Meclîsê Til Rifatî Fîkretî vat: ''Ê çend hêrişê Til Rifatî bikerê zî moralê ma berz o. Ma şarê xo ra nê moralî gênê. Armancê ma agêrayîşê Efrînî yo.''
Endamê Meclîsê Til Rifatî yê Efrînî Fexrî Sultanî vat: ''Wexto ke ma derbazê Ril Rifatî bîyî ma dî ke bomdarduman esto. La dima meclîsan komunê xo awan kerdî, şar rêxistin bi. Şarê ma planê înan şinasna. Ma do heta peyên xo ver bidê.''
