Enternasyonalîst Serhildanî pare kerd ke seba ke tewrê şorişê Rojawanî bibo teşrîna verena 2017î de ame Rojawan û îfade kerd ke o vera îşxalê tirkan tewrê pawitişê Efrînî zî bi. Serhildanî îfade kerd ke Dêra Zore de vera cergan tewrê şerî bi û vat verê cû derheqê têkoşînê kurdan de zaf çi nêzanayêne labelê dima musaye ke kurdan seba welatê xo û erjanê merdimîye şer kenê, coka tewrê nê têkoşînî bi.Serhildanî ard ziwan ke vera Dewleta Tirkan û cerganê Îslamîyan ê radîkalan ê bi hawayêkê xurtî xo ver danê û xoverdayîşê înan ê vera îşxalan dewam keno.

Kemal zî enternasyonalîstêko Rûs o û vat: "Seba ke ez paştî bida şarê kurdan ez ameye. Nê şerî de reya verêne tewrê şerî bîya. Semedo bingeyên ê ameyîşê mi zî vera sivîlan hêrişê Tirkîya yo." Kemalî bale ante ser ke hêrişê Tirkîya yê vera Rojawanî îşxal o. Serhildanî vat ke ê do her ca de vera Tirkîya û cerganê aye têkoşîn bikê.