Dewleta tirke vakurê Sûrîye de seba cerganê sey El Kaîde, DAÎŞ û El Nûsra waştêne 'herêmêka biasayîşe' awan bika. Dewleta tirke nika zî heman çi Lîbya de wazena. Erdogan wazeno ke Rojhletaê Mîyanênî biko gola gonîye. Erdoganî tewr peyên hukmatê Sarracî yê Lîbya reyde peymanêke kerde û zaf cergî Sûrîye ra erşawit Lîbya.

Vervatoxê Îdareyê Xoserî yê Vakur û Rojhelatê Sûrîye Loqman Ehmêyî derheqê armancê dewleta tirke yê herême de cewab da persanê ANFyî. Ehmêyî pare kerd ke dewleta tirke bi gama xo ya peyêne hem Rojhelatê Mîyanênî rê û hem zî Ewropa rê gef wend.

Ehmêyî vat: "Dewleta tirke wazena herême de dewletêka terorî awan bika. Seba naye şarê herême dana koçkerdene û herême de ca dana cergan û keyeyanê cergan. 

Dewleta tirke bi gama Lîbya wazena hem Ewropa rê hem zî Rojhelatê Mîyanênî rê gef biwana. Seba naye Rojhelatê Mîyanênî de û Lîbya de rayîrê cîyayî xebitnayî. Sudan û Somalî de faalîyetî kerdî, Katar de beregehê ci estê. Nika zî dekewena Lîbya. Lîbya de hedefê xi zaf ê. Wazena hewceyê xo yê rezervanê enerjîyî bi nê hawayî peyda bikê û wazena ke Dengizê Sipî kontrol bika.

Erdoganî vakurê Sûrîye de cerganê DAÎŞî, El Nusra û El Kaîde ra artêşêke amade kerde û wazeno ke cayanê bînan de nê cergan bixebitnê. Nê cergî seba heq û şoriş têkoşîn nêkenê. Leşkerê Erdoganî bipere yê. Gûta, Dera, Heleb ra ê ardî Îdlîb. Nê cergî ardî Serêkanîyê û Girê Sipî. Nika zî nê cergan beno Lîbya û bi înan do şer biko."