Şêx û rîsipîyê qebîlayanê Ereban eşkerayîyêk daye û da zanayene ke ê tewrê seferberîya pêroyîye benê ke Îdareyê Xoserî y ê Vakur û Rojakewtena Sûrîye îlan kerdebî.

Eşkerayîya înan de nê çîyî ameyî parekerdene:

"Ma rayberîya qebîla, eşîr û rîsipîyê Ereban ya herême îlan kenê ke ma dimayê ciwananê xo yê Hêzanê Sûrîye ya Demokratîke de yê. Ewro ma verba îşxalkarîya Osmanî xo ver bidê. Wextêko derg de ma destê înan ra dej ant û çeteyanê înan milk û malê şarê Sûrîye talan kerdî. Ma şêx û rîsipîyê qebîlayanê Erebî yê Vakur û Rojakewtena Sûrîye amade yê 50 hezar şervananê ciwanan ê qebîlayanê Erebî yê Vakur û Rojakewtena Sûrîye pêşkêş bikê ke tewrê Hezanê Sûrîyeya Demokratîke bibê û verba îşxalkarîya Osmanî ya barbare û çeteyê aye vinderê. Ma dî ke tarîxî de şer şaran rê wêranîye arde. Way û biratîya şaran bingeyê têdûştîye, haştîye û pêkerdişî ya. Ma veng fermandarîya pêroyîye ya Hêzanê Sûrîyeya Demokratîke kenê ke her vîcewa erdê ma îşxalkarîya Osmanî Cerablusî heta Efrînî û Lîwa Skenderon bixelisnê. Nê herêmî binê wesayetê Tirkîya de bibê korta komanê terorîstan. Ma mesajê xo şarê Tirkîya rê şawenê ke sîyasetê Erdoganî û AKP'yî reyde meşorê. O dişmenîye û nefret mabênê her di şaran de vila keno. Pê hêrişanê xo domanan kişeno û herêmîyanê ma dano kerçkerdene. Tarîx do nê çi xo vîrî ra nêkero û gonîya şarê ma erjan nîya. Ma Heyetê NY'yî û Meclîsê Asayîşî rê û bi taybetî El-Camîa El- Erebîye rê veng danê ke hêrişanê Trikîya yê serê erdê ma wedarê."