Fermandarîya Pêroyîye ya Hêzanê Asayîşî yê Zereyî yê Vakur û Rojakewtena Sûrîye derheqê Zîndanê Xiwêranîyo ke DAÎŞ'ijî tede tepişte yê de eşkerayîyêka nuştekîye daye.

 Eşkerayîye de ame vatene ke; "Serê sibayî wesayîtê bi tîpê Mazdayo  bombabarkerdeyî Zîndanê Xiwêra yê şaristanê Hesekî xo rê kerd hedef. Dimayê teqayîşî kesêk nêmerdo la zeraro madî esto. Sey Hêzanê Asayîşî yê Zereyî ma wazîfeyê xo yê pawitişo meşrû rê dewam kenê. Ma reyna vîr bivisnê ke çeteyê DAÎŞ'î û faşîzmê Tirkî herême de reyna tê gêrenê û xîret kenê ke rewşa kaosî virazê."