Bajarê Eyn Îsayî yê Rojawanî de semedê azadîya Rayberê Şarê Kurdî Abdullah Ocalanî rayraşîyayîş ame kerdene

Şarê Eyn Îsayî û macîranê Girê Sipîyî ra bi seyan kesî verê Camîya Girde de ameyî têhet. Çalakwanî bi fotografanê Abdullah Ocalanî û slogananê “Bê Serok jiyan nabe” û  “Bijî Serok Apo” rayra şîyî.  Badê Rayraşîyayîşî mîtîng ame kerdene.

Endama Kongre Starî Hedle Hec Muslim mîtîng de qisey kerd û nê vatî: “2 serrî yo dewleta tirke tecrîdê serê Rayber Abdullah Ocalanî giranêr kerdo. Wina kenê ke îradeyê rayberîye bişiknê. Çunke zanê ke şarê ke azadîye wazenê fîkranê Rayber Ocalanî sey rayîrê azadîye, adalet û demokrasîyî vînenê. Gerek hêzê mîyanneteweyî vera tecrîdî bêveng memanê û semedê azadîya Abdullah Ocalanî têkoşîn bêro xurtkerdene.”