Rojawan de şervanê QSD, HRE û YATî yê ke 20-22ê teşrîna peyêne de hêrişê artêşa tirke yê vera herême de şehîd bîyî, bi merasîmanê xurtan ameyî definkerdene.

Şervanê HRE Zeim Reşo (Xelîl Cindirêsê), Şiyar Silêman (Çayan Efrîn), Ebdullah Îsa (Brûsk Efrînê), Mihemed Hisên (Dilsozê Şêrawa) û Mistefa Mistefa (Baran Efrîn) yê ke 20ê teşrîna peyêne de hêrişê dewleta tirke yê vera Rojawanî de şehîd bîyî Şehîdgehê Şehîdanê Dewrî yê qezaya Ehrezî de kesan ameyî definkerdene. Kantonanê Şehba û Efrînî ra bi hezaran kesî tewrê merasîmî bîyî. Qiseykerdişan de bale ameye antene hêrişanê dewleta tirke yê vera Rojawanî ser û ame vatene ke dewleta tirke wazena qirkerdişanê neweyan bikero. Qiseykerdişê bi nameyê Îdareyê Xoserî yê Herêma Efrînî de veng dîya ke wa vera hêrişanê dewleta tirke de dormeyê QSDyî de têkoşîn bêro xurtkerdene.

Enes El Hemade yo ke 23ê teşrîna peyêne de serê karê xo de şehîd bibi bi merasîmêk amedefinkerdene. Fermandaraê Meclîsê Leşkerî yê Dêrazorî ra Seif El Eskarî hêzanê leşkerî û keyeyê şehîdî rê serweşîye waşte û vat ê do rêçê şehîdan ra şirê û waştişê înan bîyarê ca.

Hesekê de zî şervanê YATÎ Munteser Omer (Mizgîn Serêkaniyê) û şervanê QSDyî İbrahim El Nasir (Kemal Pîr), Silêman Ehmed (Dilo Ararat) û Seydo Tarbûş û Ebdurehman El Ebidî yê ke 22ê teşrîna peyêne de netîceya hêrişê dewleta tirke de şehîd bîyî Şehîdgehê Şehîd Dijwarî de bi tewrbîyayîşê hezaran kesan pê sloganan ameyî definkerdene. Qiseykerdişan de bale ameye antene têkoşînê şehîdan ser û ame vatene ke ê do wayîrê nê têkoşînî vejîye û biresnê serkewtişî