Endama Fermandarîya Pêroyî ya YPJyî Sozdare Dêrik dawetê ci ser o Parlamentoyê Katalanan ê Barcelona zîyaret kerd.

Goreyê Merkezê Îrtîbatî û Çapemenîye yê YPJyî Sozdare Dêrik Sereka Parlamentoyê Katalonya Alba Vergés Bosch, Temsîlkarê Partîya Yewîya Şarî (CUP -Candidatura d’Unitat Popular) Carles Riera û Temsîlkarê Partîya Komargere ya Çepe ya Katalonya (ERC – Esquerra Republicana de Katalonya) de pêvînayîş kerd.

Dîya zanayene ke pêvînayîş de babetê serê asayîşê Rojawanê Kurdîstanî, tehlukeyê DAÎŞî, têkoşîn, rewşa Kampa Holî û hêrişanê dewleta tirke ameyî ercnayene.

Têkoşînê cinîyan ê Rojawanî zî babetanê pêvînayîşî ra yew bi. 

Fermandare Sozdare Dêrik  bernameyê televîzyonî yê Katalonya rê ameye dawetkerdene û bername de cewab da persanê 400 kesan.

Dêrike Barcelona de beşdara fuarê kitaban zî bîye û bi na wesîle kitabê nuştoxe Dilare Dêrik ê serê têkoşînê cinîyan ê kurdan zî da şinasnayene.

Zîyaretê Fermandare Sozdare Dêrik dewam kenê.