Artêşa Tirkî bi rojano bi heme îmkananê xo yê teknîkî û çeteyanê xo hêrişê Serêkanîyê kena. Îşxalkarî pîya bi çeteyanê DAÎŞ’î kenê ke bikewê dewanê Eyn Îsa.

Artêşa Tirkî wazena ke rayîrê mîyanneteweyî bifînê dest, la Hêzê Sûrîyeya Demokratîke (QSD) destûr nêdanê. Rayîro ke herêmanê Firat û Cizîre yewbînan rê pabesteno hedefê îşxalkaran de yo. Artêşa Tirkî seba ke nê rayîrî bifîno dest çeteyê DAÎŞ’î yê hucreyan şuxulneno.

Fermandarê QSD’yî Cegewera Zirîko ke rayîrê Rodko yo ke mabênê Girê Spî û Eyn Îsa de yo de şerî koordîne keno vat îşxalkarî seba ke Firat û Cizîre cêser bifînê bi heme hêzê xo hêriş kenê la QSD’yî îşxalkarî peyser qeldayî.  Zirîkî vat artêşa Tirkî cayanê tarîxî û dînî hedef gêna ke medenîyetê Rojawanî çîn bikero. La dewleta Tirkî se kena wa bikero ê do ser mêkewe. Zirîkî ard ziwan ke înan derbeyê giranî dayî îşxalkaran ro û vat rayîrê mîyanneteweyî destê ma de yo.