Festîvala Fîlman a Kobanê dewam kena

Festîvala Fîlman a Mîyanneteweyîye ya Kobanê roja xo ya dîyine de bi xeylî fîlmanê cîya-cîyayan ramojîyayîşanê xo rê dewam kerd.

Festîvala Fîlman a Mîyanneteweyîye ya Kobanê ke hetê Komunê Fîlmî yê Rojavayî ra Merkezê Kultur û Hunerî yê Baqî Xidoyî yê Kobanê de yena organîzekerdene roja xo ya dîyine de dewam kerd.

 Roja dîyine de xeylî fîlmê bîyanîyî ameyî ramotene. Festîvale de heman wextî de belgefîlmê “Heval Aryan”î ke babeta ci xoverdayîşê şerwanêka YPJyî ya zî ame ramotene.   

Festîvale bi wesîleya serragêrayîşê 58in ê qirkerdişê Amûdê ke tede 283 domanî kişîyayî yena viraştene.