Festîvala Respectî ya ke her serre şaristanê Exeterî yê Brîtanya de yena kerdene, emser bi şîarê ‘Ma pêro cîya yê, ma pêro têdûşt ê’ ameye kerdene. Bi beşdarîya aktîfe ya Komunê Kurdan ê Devonî, kulturê kurdan, têkoşînê sîyasî û ruhê paştdayîşî festîvale de ameyî hîskerdene.

Xeyma kurdan zî bala meymanan ante. Xeyme de kitabê ‘’Azadîye Do Ser Bikewa’’ û broşurê ‘’Abdullah Ocalanî rê Azadîye, meseleya kurdan rê çareserîya sîyasîye’’ ameyî vilakerdene.

Wekîlê Exeterî Steve Race û Şaredare Anne Jobson zî stand zîyaret kerd û mesajê ‘’Ma kelaya têkoşînê demokratîkî yê şarê kurdî yê’’ da.

Komxebata Govende zî festîvale de zaf veng vet. Beşdaran hem perwerdeyê folklorî girewt hem zî govende ser o agahîyî girewtî. Peynîya komxebate de beşdaran govende girewte û vera nîjadperestîye tewirêko kolektîf mojna.

Azad Amedo ke nameyê Komunê Kurdan ser o qisey kerd vat: ‘’Seba ma sereberzî ya ke ma tewrê na festîvale benê û nasnameyê xo temsîl kenê.’’