Festîvala Fîlmanê Dokumenteran a FîlmAmedî ya 9ine dest pêkena. Şaredarîya Peyasî hemkarîya festîvale kena. Festîvale mabênê 26-30ê êlule de bi şîarê ‘Kok…Qiseyê raştikênî yê dormeyê adirî’ do bêra kerdene.

Endamê Komeleya Akademîya Sînema ya Rojhelatê Mîyanênî Emîn Îsîyî derheqê babete de ajansê ma rê qisey kerd. 

Emîn Îsîyî pare kerd ke festîvale  seba meseleyanê komelkîyan û hişê komelkîyî baş bena û vat: ‘’Şaristan de 8 serrî yo qeyûmî est bîyî. Kurdîstan de xora vera huner û kulturî teda û sansurî est ê. Vera ney mojnayîşê fîlmanê dokumenteran Amed de girîng o.

Kurdîstan, Tirkîya û welatanê bînan ra 771 fîlman muracat kerd. FîlmAmed Kurdîstan de festîvala verêne ya fîlmanê dokumenteran a. Armancê ma pawitişê vîr û hîşê komelî yo. Ma zanenê ke Kurdîstan de vîr yeno çinkerdene. Vera ney ma na festîvale kenê. Festîvala rengîne pabeya ma ya. Çar hetanê dinya ra seba festîvale eleqeyêko pîl est o.’’