Forûmê DAÎŞ’î yê qezaya Amûdê ya Qamişloyî hetê Merkezê Cigêrayîşanê Stratejîkan ê Rojawanî (NRLS) ra ame organîzekerdene. Forûmî roja Şemeyî dest pêkerd û roja dîyine de zî xeylî semînerî ameyî pêşkêşkerdene.

Roniştişê 3’inî de babetê sey “Çimeyê ekonomîya DAÎŞ’î, paştdayîşê herême yê rasterastî û nêrasterastî yê seba DAÎŞ’î, kerdişê êyê sey talankerdiş, dizdî, herînayîş û rotişê merdim û eseran ameyî qiseykerdene.

Roniştişê 3’inî de mamosteyê ekonomî yê Unîversîteya Qurtuba ya xusûsîye û yo ke Unîversîteya Şamî de derheqê ekonomîya enerjî û petrolî de master kerdo Dr. Mihemed Şewqî, mamosteyê ekonomî yê Unîversîteya Heleb û Mamûnî û sereko verên ê Unîversîteya Efrînî Ehmed Yusif, mamosteyê ekonomî yê Unîversîteya Mosilî, nûştox û cigêrayoxê wareyê ekonomî Haşim Zîbarî û cigêrayoxê ekonomî, rojnamekar û şêwirmendê Yewîya Kedkaranê Kurdan ê Ewropa (AKKE) Ahmed Belda û şêwirmendo verên ê Konfederasyonê Sendîkaya Kedkaran a Tirkîya (KESK) semîner pêşkêş kerd.

Forûm de mamsteyê Ekonomî yê Unîversîteya Heleb û Mamûnî û sereko verên ê Unîversîteya Efrînî Ehmed Yusifî derheqê çimeyanê ekonomîye yê DAÎŞ’î de qisey kerd û bale ante serê paştdayîşê herême yê seba DAÎŞ’î. Yusifî ard ziwan ke eserê tarîxîyî yê ke kewtê destê DAÎŞ’î zî yew çimeyê ekonomîye yê pîl ê û vat, “Organîzasyonê sey El-Qaîde, Boko Haram, Cebhet el-Nûsra û DAÎŞ’î mengane 801 mîlyar dolarê Amerîkanî fînenê dest. Ê teroran Rojakewtena Mîyanêne xo rê sey merkez weçînita.” 

Ehmed Yusifî dewamê qiseykerdişê xo de vat: "Gama DAÎŞ’î herêmê Sûrîye û Iraqî girewtîbî binê kontrolê xo butçeya ci resabî 2 tirîlyon dolarê Amerîkanî. Qezenco serrane yê DAÎŞ’î resabi 3 mîlyar dolarê Amerîkanî. DAÎŞ’î talankerdişê bankayan ra 435 mîlyar dolarê Amerîkanî, û 500 mîlyon dolarê Amerîkanî zî eseranê tarîxîyan ra qezenc kerd."

Semîneran ra dima beşdaran vînayîşê xo pare kerdî û bale ancîyaye serê rolê YPJ’yî yê xelesnayîşê cinîyan ê destê çeteyanê DAÎŞ’î ra.