Zîndanê Hesekê de nizdê 5 hezar çeteyanê DAÎŞî reyna xîret kerd ke biremî. Vervatoxê QSDyî Kîno Gabrîelî derheqê nê serebûtî de eşkerayîyêke daye.

Eşkerayîye de wina ame vatene: ''Vizêr şew Zîndanê Hesekê de ke tede endamê DAÎŞî yenê tepiştene hetê cergan ra têmîyankewtişêk dîya destpêkerdene. Cergan berê koxûş û korîdaran ca kerdî û zîndan girewt binê kontrolî. Hezê ma mecbur mendî ke mudaxle bikerê.

Têmîyankewtişê zîndanî rojêk dewam kerd. Dima mabênê hêzanê ma de û hêzanê Koalîsyonî de û endamanê cergan de dîyalogan dest pê kerd û ma rewşe girewte binê kontrolî. Ma bawer kenê ke hêzanê Koalîsyonê Mîyanneteweyî yê têkoşînê vera DAÎŞî warê çareserîyêke de seba endamanê tepişteyan ê DAÎŞî berpirsîyarî gênê. ''