Dewleta tirke ya îşxalkere 14ê nîsane ra dima bi her metodî hêrişê Herêmanê Pawitişî yê Medya kena. Keye û merdimanê gerîlayanê şehîdan derheqê babete de ANFyî rê qisey kerd.

Emîne Yasîna ke dadîya gerîlayê şehîdî ya ard ziwan ke dadîyanê Kurdîstanî seba destvistişê heqanê xo cigêrê xo dîyarîya Kurdîstanî kerdê. Emîne Yasîn vat: ''Dewletê hemkarî vera kerdişanê dewleta tirke bêveng ê. La gerîlayî wa bizanê ke ma hetê înan de yê û pê înan sereberz ê. Her ke dewleta tirke çeka kîmyewîye vera gerîlayan şuxilnena hêrsê ma zêdîyena. Ma serê esasê felsefeya Rayber Apoyî de rêçê şehîdan teqîb kenê. Ma do tim bi nê hawayî heta serkewtişî xo ver bidê.''

Birayê gerîlayêkê şehîdî Sebrî Faris Etîyî pare kerd ke destpêkî ra heta nika gerîlayî tim raştê hêrişanê çinkerdişî yenê û vat: ''Gerîlayî îradeyê bi mîlyonan kesan ê. Gerîlayî seba azadîya pêro şaranê bindestan têkoşîn kenê. Dewleta tirke wazena hem gerîlayan hem zî şarê kurdî çin bikera. La ma do heta peynî têkoşîn bikerê, xo ver bidê û dormeyê gerîlayan de kom bibê. Gerîlayî hîkayeyê demokrasî û azadîye yê. Erkê ma yo ke ma paştî bidê gerîlayan. ''