Şarê Girê Sipî seba ke çeteyanê pabesteyê dewleta tirke ciwanêk qetil kerd vejîyayî kuçeyan û îşxalkerî protesto kerdî. Şarî waşt ke wa heme sivîlî bêrê veradayene û îşxalkerî cade erdê înan ra vejîyê.

Rayraşîyayîşo ke vizêr badê nimajê îneyî ame viraştene de bi seyan kesî tewrê ci bîyî û vera îşxalî bi sloganan nêrazîbîyayîş ramojna. Çalakîye de ame waştenê ke grûba çeteyan a ‘‘Feyleq El-El-Mecîd‘‘ ya ke perey ciwano bi nameyê Emar Hecî qetil kerd wa bajarî vejîyo. Reyna ame waştene ke sivîlê ke hetê dewleta tirke û çeteyanê ci ra ameyî remnayene wa  serbest bêrê veradayene.