Vervatoxê YPGyî Nurî Mehmudî ke cewabê îdîayanê 'Gorê komî' yê dewleta tirke da ard ziwan ke cayo ke ameyo texrîbkerdene şehîdgeh o.

Nurî Mehmudî vat: ''Gama ke dewleta tirke wextê hêrişan de Efrînî rê bîye nêzdî, no goristan  ame înşakerdene. Nê goristanî de 71 cenazayî estê.  14ê înan yê YPGyî, 12 yê YPJyî, 5 yê endamanê asayîşî, 3ê endamê Cebhet El-Ekradî, 1 yê endamê Yewîya Xopawitişî, 5 yê sîvîlan û 31 cenazayê bînî zî ê şerwan û sîvîlan ê ke ma nasnameyê înan safî nêkerdî.

Dewleta tirke û çeteyê ke DAÎŞ û El- Nusra ra mendî herra Sûrîye ser o provokasyon vejenê û sûcanê merdimîye kenê. Îdîayê dewleta tirke û çapemenîya ci raşt nêyê. 'Gorê komî' karê dewleta tirke û hemkaranê ci yê sey DAÎŞ û El- Nusra yo. Nika Efrîn de çeteyî heme qanûnê ehleq û merdîmî binpay kenê û sûcê kenê. Seba ke waştişê înan bêro ca, sûco ke mekerê çîn o. Heme metodan şuxulnenê.  Waştişê înan oyo ke projeyê ma yê neteweya demokratîke yo ke şarî wayîrê ci vejîyenê, bêtesîr bikerê.

Mehmudî bala ante ser ke dewleta tirke şehîdîgehî sey gorê komî ramojnena ke qale bîyaro şorişî ser û vat:  Uca goristanê şehîdanê ma yo ke  înan semedê Efrînî ganê xo dayo.  Şarê Efrînî şehîdê xo goreyê edatanê xo defin kerdî. Ganî heme dinya û şarê bizano ke dewleta tirke û çeteyê ci cayanê ke îşxal kenê de qet erc û qanûnêk nas nêkenê û sûc kenê. Nê sûcî pê qerarê Erdoganî yenê kerdene. Dewleta tirke û çeteyê ci goristanê Şehîdgehê Şehîd Refîqî yê Efrînî û dewa Metîne û Şehîdgehê Şehîd Sedoyî yê dewa Qazqilî yê Cindirêsî zî texrîp kerdîbî.''