Hamleya QSDyî dewam kena

Hamleya QSDyî ya ke vera hucreyanê DAÎŞî ameye destpêkerdene de şerwanî warê 80 kîlometreyîye de aver şîyî  û 42 çeteyî ameyî tepiştene.

Hêzanê Sûrîyeya Demokratîke (QSD) vera hucrayanê DAÎŞî Dêrazor û Hesekê hamle daye destpêkerdene. Çarçeweya hemle de şerwanî 80 kîlometre aver şîyî.

Goreyê zanayîşanê ke ameyî girewtene QSDyî ewro 12 çeteyê bînî tepiştî û hûmara çeteyanê ke kewtî dest bîye 42. Fermandarê QSDyî Reşo Hilincî ard ziwan ke şarê herême zî paştî dano înan û hemla do heta Royê Firatî dewam bikero.