Heleb de çarçewa Hemleya ''Wext Wextê Azadîye yo'' de çalakîya xeyme dîyabî destpêkerdene. Çalakîye de azadîya Rayberê Şarê Kurdî Abdullah Ocalanî ame waştene. Çalakîye vizêr pê eşkerayîyêke qedîyaye.

Temsîlkarê dezgeh û rêxistinanê komelê sivîlî zî tewrê eşkerayîye bîyî. Endama Meclîsê Xeta Şehîde Gulê Selmo, Zeynebe Elî eşkerayîye de qisey kerd û waşt ke pêro dezgehê mîyanneteweyî seba azadîya Ocalanî cade têbigêrê. Endamê Meclîsê Xeta Şehîde Rûbare Qamşlo Ehmed Caferî îfade kerd ke Abdullah Ocalan 23 serrî yo binê tecrîdî de xo ver dano. Endamê Îdareyê Komunê Şehîd Avaşînî Ehmed Ebdullahî zî venga pêro rêxistinanê heqanê merdiman da ke seba azadîya Rayberê Şarê Kurdî wa Tirkîya rê teda bikerê. Qiseykerdişan ra dima çalakîye pê wendişê eşkerayîye qedîyaye.