Hemleya Qesasê Şehîdanê Reqa qedîya

Hêzanê Operasyonê Hemparî yê Hemleya Qesasê Şehîdanê Reqa da zanayene ke hemle qedîyaye û vat 127 çeteyê DAÎŞî ameyî tepiştene.

Hêzanê Operasyonê Hemparî yê Hemleya Qesasê Şehîdanê Reqa da zanayen eke hemle qedîyaye û nê pare kerdî:

''Hêzanê Asayîşê Zereyî û Hêzanê Sûrîyeya Demokratîke (QSD) mabênê tarîxanê 25ê çeleyî û 1ê sibate de bi paştdayîşê hewayî yê Koalîsyonê Mîyanneteweyî hemleya asayîşî ya hîra daye destpêkerdene. Hemle de Reqa, Tebqa û  Sirin de bi desan nûqtayî ameyî hedefgirewtene û warê hîrayî ameyî pakkerdene. Operasyon goreyê tarîx û planê ci ame kerdene, vera çeteyanê DAÎŞî netîceyê bitesîr ameyî destfînayene.

Operasyonanê hêzanê ma de walîyê Reqa Etallah El Misanî zî tede 127 terorîstê şikdarê ke ameyêne cigêrayene, ameyî tepiştene. Hucreyêkê terorîstan ame bêtesîrkerdene. Reyna çar şikdarî ameyî tepiştene. Xeylêk çeke, cebilxane û kitabê DAÎŞê ke qala şîdetî kenê û belgeyê taybetî yê dînî ameyî destsernayene.

Ma sey hêzanê Operasyonê Hemparî yê Hemleya Qesasê Şehîdanê Reqa semedê paştdayîşê ke dayo ma, tewirê şarê xo selam kenê. Na çarçewe de ma danê zanayene ke operasyonê cigêreyîş-pakkerdişî qedîya. Hêzê ma do têkoşînê xo û teqîpkerdişê hucreyanê çeteyan bidomnê û plananê çeteyan ê çînkerdişê îstîkrarê herême betal bikerê.''