Bi destekê Merkezê Kultur û Hunerî yê Baqî Xidoyî û Kevana Zêrîne bi şîarê ''Domanî Hêvîyê Ameyoxê Azadî yê'' 2yê êlule de Festîvala Domanan a 6. do bêra kerdene. Festîvale do di rojan, Merkezê Baqî Xidoyî de dewam bikera.

Mamostayê Koma Tîyatroyî ya Domanan Elî Îsayî da zanayene ke ê do na festîvale dîyarîya domananê Efrîn, Serêkanîyê û Girê Sipîyî bikerê. Îsayî vat: ''Seba ke domanî bala xo bidê kulturê ma ser o na festîvale zaf girîng a.

Festîvale de aktîvîteyê muzîk, govend, tîyatro, şîîr, deyîr û resimî est ê. Ma do xeylêk eseranê zengînan bimojnê. Ma hêvî kenê ke do serrnê na festîvale herêmanê îşxalkerdeyan de bikerê. Festîvala ma armanc kena ke keyfê domanan bîyara ca. Domanî serkêşê komelî yê. Ganî ma wayîrê domanan û kulturê xo vejîyê.''