Herêma Firatî de wendekaran karneyê xo girewtî

Nêzdîyê 51 hezar wendekaranê dibistanan ê Herêma Firatî karneyê xo girewtî.

Rojawanê Kurdîstanî de nêzdîyê 51 hezar wendekaranê dibistanan ê Herêma Firatî karneyê xo yê termînê 2022-2023yî girewtî.

Serê sibayî wendekaran pê kincanê xo yê neteweyîyan û bi kêfweşî karneyê xo girewtî. 

Wendekare Êva Zuhêr Emed kêfweşîya xo wina arde ziwan: ''Ziwanê kurdkî zaf weş o. Ez kêfweş a ke bi kurdî wanena, huyena û embazanê xo de kay kena. Ma do bi kêfweşî ziwanê xo aver berdê. Ez pêro embazanê xo yê ke karneyê xo gênê, fîraz kena.''

Wendekare Nalîne Mihemed zî îfade kerd ke ziwanê kurdkî ziwanê dayîke yo, estbîyayîş û nasnameyê înan o. Nalîne vat: ''Ma kêfweş ê ke bi kurdkî wanenê û qisey kenê. Ma do karneyê her kesî fîraz kenê.''