Federasyonê Heqanê Merdiman ê Sûrîye û 98 rêxistinanê komelê sivîlî hişyarî bi eşkerayîyêke hêrişê dewleta tirke ya îşxalkere yê vera Rojawanî şermezar kerdî.

Nînan hişyarî daye ke hêrişê dewleta tirke ya îşxalkere do DAÎŞî newe ra bîyarê xo ser.

Eşkerayîye de nê waştişî zî ameyî rêzkerdene:

''-Pêro kerdişê şîdetî û qirkerdişê vera Sûrîye û herêmanê kurdan wa bêrê vindarnayene.

-Hêzê Tirkîya û komê ci wa bê şert û mercî Sûrîye ra vejîyê.

-Kesê ke hetê dewleta tirke û komanê ci ra ameyê remnayene wa vera bidîyê.

-Polîtîkayê koçkerdişî û vurnayîşê demokrafî wa bêrê vindarnayene.

-Meseleya kurdan Sûrîye de wa bi demokrasî bêra çareserkerdene.

-Haştîya zereyî ya Sûrîye wa bi yewîya komelî bêra garantîkerdene.''