Taxa Salîhîyê ya Hesekê de wesîyetêko ke bombabarkerde ame teqnayene û 4'ê înan sivîlî, yewê înan leşkerî 5 kesî birîndar bîyî.

Hêriş saete 11.30 de wareyê Mesakîn Şûrta de ame meydan. Kesê ke rîyê hêrişanê dewlete ra neçar mendî ke wareyê xo ra ameyî Hesekê, bîyê hedefê hêrişî. Teqayîş de 4 sivîlî û leşkerêk birîndar bîyî. Nêno zanayene ke leşker pabesteyê kamcîn dezgehî yo. Sivîlê ke birîndar bîyî: Şerîf Xelîlo ke Dirbesîyê ra ame (38), Mustafa Cemîl (60), Abdullah Fereco ke Serêkanîyê ra ame (30) û Îsmaîl Sayîl (50) Îsmayîl Sayîl hêriş de çimê xo ra bîyo, ama parekerdene ke rewşê  birîndar ê bînî baş ê. Teqayîş de keyeyan, wesayîtan û kargehan zerarêko madî dî.