Qelaya Xoverdayîşî Serêkanîyê ya ke 10 rojan ra nata verba hêrişanê dewleta Tirkî xover dana de hêriş dewam keno. Muxabirê ma Ersîn Çaksuyî Serêkanîyê ra da zanayene.

Çaksûyî  da pêhesnayene ke her çiqas dewleta Tirkî û DYA 17'ê Teşrîna Verêne şan pêkerd zî, vizêr çepheyanê herême de hêrişan dewam kerd û  vat: "Îşxalkaran waşt ke vizêr şan bi çekanê xo yê giranan cepheyê rojawanî de derbasê Serêkanîyê bibê û hêriş bikê. Şervananê QSD'yî zî cewabê hêrişan da. Şer cepheyê Rojawanî de dewam keno. Xeta sînorî de zî heman wextî de şer heta serê sibayî dewam kerd. Cepheyê rojakewtena zî leşker û çeteyê dewleta Tirkî yê îşxalkarî bi taybetî hêrişê nêweşxaneyan kenê. Seba ke birîndarê sivîlî û leşkerî yê nêweşxaneyî de nêeşkenê xo biresnê cayanê asayîşênan, di birîndaran şewa bîne wefat kerd. Nê wextan de zî cepheyê rojakewtene û rojawanî de şer dewam keno. Reyna hêrişê nêweşxaneyî kenê."