Dewleta tirke ya îşxalkerê vizêr serê sibayî ra heta şanî hêrişê Eyn Îsayî kerd. Hêzanê QSDyî çarçewa xopawitişê meşrûyî de cewabê hêrişan da.

Îşxalkeran bi çekanê giranan da dewa Seyda, dormeyê bejrayîrê M4î û merkezê Eyn Îsayî ro. Netîca hêrişî de mal û mulkê sîvîlan ziraro pîl dî. Nêweşxaneyê Bajarî yê Omer Eloşî zî texrîb bi. Hêzanê QSDyî ke çarçewa xopawitişê meşrûyî de cewabê hêrişan da, mewzîyê îşxalkeran ê dewa Sêdarî îmha kerdî. Mezîyêka  dewa Kermazî de zî xesaro pîl dî. Hêrişo pîl ê îşxalkeran nê wird mewzîyan ra ameyêne kerdene.